टाकळी-शिवाजी तिकांडे सर व परिवाराकडून टाकळी शाळेस ब्ल्यूटुथ ट्राॅली स्पिकर संच भेट

-
*अकोले - भारतीय स्वातंत्र्याच्या अमृत महोत्सवी उपक्रमांतर्गत ७८ व्या स्वतंत्रता दिनाच्या निमित्ताने टाकळी गावचे भूमिपुत्र व सेवानिवृत्त केंद्रप्रमुख श्री. शिवाजी तिकांडे सर व परिवाराकडून अकोले तालुक्याच्या देवठाण बीटातील जिल्हा परिषद टाकळी शाळेस ८००० रुपये किंमतीचा एक ब्ल्यूटुथ ट्राॅली स्पिकर संच भेट देण्यात आला.‌
याप्रसंगी शाळा व गावाकडून श्री. शिवाजी तिकांडे सरांचा सपत्नीक सत्कार करण्यात आला. तत्पूर्वी स्वतंत्रता दिनाचे ध्वजारोहण व्यवस्थापनाचे अध्यक्ष श्री. बाळासाहेब फोडसे यांच्या शुभहस्ते संपन्न झाले. कार्यक्रमाच्या अध्यक्षस्थानी टाकळी गावचे माजी सरपंच श्री. रामहरी तिकांडे हे होते. यावेळी टाकळी गावातील ज्ञानेश्वर तिकांडे, अतुल तिकांडे, सौरभ मोरे, कल्पेश थोरात, ज्ञानेश्वरी दातखिळे, साक्षी फोडसे, दुर्गा बर्डे या विविध स्पर्धा परीक्षेत यशवंत आजी माजी विद्यार्थ्यांचा संयोजन समितीकडून सत्कार करण्यात आला.
या समारंभात टाकळी शाळा व माध्यमिक विद्यालयातील विद्यार्थ्यांनी उत्कृष्टरित्या देशभक्तीपर गीते व सांस्कृतिक कार्यक्रम सादर करुन उपस्थितांची दाद मिळवली. स्वतंत्रता दिनाचे औचित्य साधून शिवाजी तिकांडे सर व परिवाराने आपुलकीच्या शैक्षणिक मिशनची जपणुक केल्याबद्दल अकोले तालुका गटशिक्षणाधिकारी श्री. अभयकुमार वाव्हळ, देवठाण बीट विस्तार अधिकारी श्री अनिल गायकवाड व टाकळी केंद्राच्या केंद्रप्रमुख श्रीमती रोहिणी खतोडे यांनी दात्यांचे अभिनंदन केले आहे. प्रस्तुत कार्यक्रमाच्या यशस्वीतेसाठी टाकळी केंद्रशाळेचे शिक्षक श्रीनिवास पोतदार, संजय देशमुख, दत्तात्रय देवगिरे व संजय शिंदे यांनी विशेष परिश्रम घेतले‌.उपसंपादक-किशोर मोहिते,न्यूज सह्याद्री एक्सप्रेस, अकोले

Comments

Post a Comment

Popular posts from this blog

अकोले चे तहसीलदार सिध्दार्थ मोरे यांचेवर कारवाई करण्यात यावी ग्राहक पंचायत ची मागणी,महसूलमंत्री व जिल्हाधिकारी यांना भेटणार

-
Image
  अकोले(प्रतिनिधी) अकोले तालुक्यामध्ये वाळू तस्करी, रेशन घोटाळा, दाखले वेळेत न मिळणे शेतकऱ्यांना अनेक कामासाठी चकरा मारायला लागणे, अनेक कामासाठी आर्थिक देवाण-घेवाण यामुळे नागरिक त्रस्त झाले आहे. तहसीलदार सिद्धार्थ मोरे यांचा प्रशासनावर वचक राहिला नसल्याने त्यांच्यावर कायदेशीर कारवाई करावी असा ठराव ग्राहक पंचायतच्यातालुका बैठकीमध्ये घेण्यात आला यासाठी महसूल मंत्री ना. चंद्रशेखर बावनकुळे व जिल्हाधिकारी यांना समक्ष भेटून कारवाईची मागणी करणार असे ठरले. अकोले येथील शासकीय विश्रामगृहावर बैठक आयोजित करण्यात आली होती. बैठकीच्या अध्यक्षस्थानी प्रा. सुनील शिंदे हे होते. यावेळी ग्राहक पंचायत महाराष्ट्र चे जिल्हा उपाध्यक्ष, भाजपचे तालुका सरचिटणीस मच्छिंद्र मंडलिक, तालुका अध्यक्ष दत्ता शेणकर, कार्याध्यक्ष महेशराव नवले, खरेदी विक्री संघाचे व्हा. चेअरमन माधवराव तीटमे, भाजपा जिल्हा संयोजक भाऊसाहेब वाकचौरे, वसंतराव बाळासराफ, बबनराव तिकांडे, पत्रकार भाऊसाहेब वाकचौरे,  साहेबराव दातखिळे, राजेंद्र घायवट बाळासाहेब बनकर राजेंद्र गवांदे शारदा शिंगाडे रामदास पवार, प्रतिभा सूर्यवंशी, दत्ता ...
Read more

अकोले-अगस्ती सह. साखर कारखाना भाग्यलक्ष्मी आहे खरी, परंतु कोणासाठी-संदीप भाऊसाहेब शेणकर

-
Image
अगस्ती सहकारी साखर कारखान्याचा सन 2024-25 चा गाळप हंगाम पूर्णत्वाकडे चालला आहे मात्र मार्च अखेरीस कारखान्याचे शेतकऱ्यांसोबतचे व्यवहार मात्र पूर्ण होताना दिसत नाहीत. मार्च अखेरचा कालावधी म्हणजे शेतकऱ्यांना विविध कार्यकारी सोसायट्या, जिल्हा सहकारी बँका तसेच राष्ट्रीकृत बँका यांचे व्यवहार पूर्ण करायचे असतात, प्रत्येक शेतकऱ्याच एक आर्थिक गणित असत मात्र अकोले तालुक्याच्या या भाग्यलक्ष्मीच्या सारर्थ्यांमुळे शेतकऱ्यांचे गणिते कोलमडली असून शेतकरी हवालदिल झालेला आहे, वास्तविक पाहता मार्च महिन्यात सर्वच साखर कारखान्यांनी एकही मस्टर राखून नं ठेवता नियमित ऊस उत्पादकांचे पैसे खात्यावर वर्ग करायला हवेत जेणे करून शेतकऱ्यांचे आर्थिक व्यवहार पूर्ण होतील, मात्र ते तर बाजूलाच अगस्ती कारखान्याचे भागातील 3 मस्टरचे ऊस पेमेंट देणे बाकी आहे, जे दिले ते पण 2500 रुपये प्रति मे टन प्रमाणे. मार्च अखेरीस शेतकरी तोट्यात गहू, कांदे एवढच नव्हे दुभती जनावरे विकतो पण पैसे रोख घेऊन कर्जे भरतो पण सर्वात मोठी शोकांतिका तर ही आहे कि एकतर प्रति टन 300-400 रुपये तोटा प्रति टन उसामागे खायचा आणि तरी पण पैसे वेळेत न...
Read more

लिंगदेव प्रकरण,सामाजिक आंदोलनाला राजकीय वास..

-
Image
अकोले तालुक्यातील लिंगदेव गावातील घडलेल्या घटनेचा निषेध म्हणुन आज अकोले कोल्हार घोटी महामार्गालगत आज रास्ता रोको करण्यात आला.यावेळी कानडी बांधव मोठ्या संख्येने अकोले माहात्मा फुले चौक येथे जमले होते या आंदोलनात प्रामुख्याने शरद पवार,भाजप पक्षातील पदाधिकारी मोठ्या संख्येन सहभागी झाल्याच चिञ दिसुन आल यामुळे या सामाजिक आंदोलनाला राजकीय वास आल्याच चिञ प्रथमदर्शनी दिसुन आल.आमदार विरोधी असणाऱ्या विरोधी पक्षातील मंडळींनी जिल्हा परीषद व पंचायत समितीच्या मतांचा फायदा घेण्यासाठीच हजेरी लावल्याची चर्चा अकोले तालुक्यात सुरु होती.आपल्या समाज्यातील एका व्यक्तीवर अन्याय झाला म्हणुन समाज म्हणुन संपूर्ण समाज रस्त्यावर उतरला होता यावेळी कानडी समाज्याच्या वतीने आमदार किरण लहामटे यांनी समाज्याची माफी मागावी अशी कानडी समाज्याकडुन मागणी समोर आली आहे.माञ या आंदोलनासाठी लिंगदेव ग्रामस्थ यांनी मोठ्या संख्यने उपस्थित राहणार असल्याचा इशारा देण्यात आला होता माञ गावचे आंदोलन हे सामजिक स्तरावर विभागले गेल्याने लिंगदेव ग्रामस्थ तुरळक उपस्थित दिसले.यामुळे ओबिसी व मराठा या वादाचा अंतर्भाव या आंदोलनात ही दिसुन आला.दुसर...
Read more